Wednesday, January 28, 2009

اسقاط الجنسية المصرية من مصرين باسرائيل و متزوجين باسرائيليات

salam alikom

مصر دولة عربية اسلامية افريقية شرق اوسطية تنتمي الي دول حوض البحر الابيض المتوسط

ديانتها الاسلام

ثقافتها مزيج بين الحضارات الفرعونية والهيلنية والرومانية والقبطية والاسلامية

سكانها ينتمون الي اعراق مختلفةعربية وافريقية وايضا بها بعض الاعراق التي لا تشكل نسبة كبيرة من السكان ومنها


الزنجية والتركية والبربرية ورومانية واعراق دول حوض البحر الابيض المتوسط

ومستضيفة للعديد من الافراد بمختلف الجنسيات

الجنسية المصرية ليست مجرد حروف لتشكل كلمة في جواز السفر او في البطاقة الشخصية بل هي عنوان الفرد

وتمثل انتمائه وهذه مفروغ منها

ويتيح القانون المصري الحصول على جنسية أخرى شريطة التقدّم بطلب لوزير الداخلية والحصول على موافقة منه، بيد أنّ هناك عقبات تحدّث عنها مصريون مقيمون في تل أبيب بفلسطين المحتلة، تتعلق بكيفية تقديم هذا الطلب في مصر، ما يضطرهم للسفر إلى مصر وصعوبة العودة.

بلا مقدمات

اكيد الجميع مؤيد القضية

للدعوى التي عرضت أمام محكمة القضاء الإداري من قبل المحامي نبيه الوحش، يطالب فيها بإصدار قرار ملزم لوزير الداخلية لإسقاطالجنسية المصرية عن 30 ألف شاب مصري تزوجوا من فتيات إسرائيليات، ما اعتبره يهدد الأمن القومي المصري
.

وتطالب الدعوى بإصدار النطق بالحكم في القضية بصفة مستعجلة، وتنفيذ الحكم بمسودته، لتوافر حالتي وركني الجديةوالاستعجال؛ وهما تهديد الأمن القومي المصري من البوابة الشرقية، بعد ضرب إسرائيل للشريط الحدودي، ما دفع السكان في رفح المصرية إلىالهروب من منازلهم.

واتهمت الدعوى، وزير الداخلية بمخالفة الدستور والقانون بتقاعسه عن إسقاط الجنسية المصرية عن الشباب المتزوج من "إسرائيليات"، خاصة وأن أبناء هؤلاء الشباب سيحملون الجنسيتين المصرية والإسرائيلية، وهو ما يعني إمكانية أن يصبح هؤلاء في السنوات القادمة وزراء وساسة ونوابا في مجلس الشعب.

اعتبرت الدعوى أن زواج الشباب المصري من إسرائيليات مخالف للشرع والدستور، وأنه لا يصح القول بأن الإسلام أجاز الزواج من الكتابيات، "لأن الكيان الصهيوني مازال وسيظل بيننا وبينه عداء، ويعتبر دار حرب بالنسبة لجميع العرب والمسلمين وأنه يجب منع الشباب المصري من الزواج بإسرائيليات من باب "سد الذرائع".

وصف الوحش أي شاب يتزوج من إسرائيلية بأنه خائن لدينه ووطنه، لأن نتاج هذا الزواج سيكون ذرية ولائها الأول "لإسرائيل"، بحكم جنسية الأم التي تستطيع التأثير على أولادها لقربها منهم أكثر من الأب.


واختتمت الدعوى بالقول، إن حالة العداء والحرب بين مصر و"إسرائيل" ستستمر حتى يتم القضاء نهائيا على هذا الكيان، خاصة مع استمرار مذابحه وجرائمه اليومية ضد الفلسطينيين في قطاع غزة.

مقتطفات :

ويقول مصريون تزوجوا من إسرائيليات الجنسية، أنّ الزواج من إسرائيليات غالباً ما يكون من فلسطينيات من عرب 48، ممنأرغمتهم سلطات الاحتلال على حمل الجنسية الإسرائيلية.

وقد أثبتت إحصائيات أنّ هناك حوالي 50 حالة لفتيات مصريات متزوجات من شباب من فلسطينيي 48، وهم جميعاً ينتمون لقبيلةالعزازمة، وهي إحدى قبائل البدو الرحّل، نصف أفرادها ينتمون لمصر ونصفهم الآخر ينتمي لفلسطين المحتلة.


مقتطفات:

وقال اسماعيل في طلب احاطة قدمه إلى رئيس الوزراء ووزير الداخلية إن من آثار اتفاقية السلام مع العدو الصهيوني هو التطبيع فيكل المجالات بين الحكومة المصرية والحكومة الصهيونية، مما يسر سفر الشباب المصري إلى الكيان الصهيوني، وزواجهم منإسرائيليات تحت وقع الاغراءات، مشيرا الى عودة عدد كبير منهم بعد أن ضعف انتماؤه وتسربت الروح الوطنية من بين يديه، وأصبحولاؤه لغير مصر، وبات يهدد الأمن القومي.

ورأى أن بلوغ أعداد المصريين الذين حصلوا على الجنسية الإسرائيلية ما يزيد على 220 ألفاً حسب تقدير اسماعيل أمر خطير، يحتاجإلى تدخل سريع وتحقيق فوري للوقوف على خطورته، وللمحافظة على أمن مصر.

وتساءل قائلاً: لماذا لا تتحرر الحكومة من اتفاقية السلام المزعوم مع العدو الصهيوني التي تسببت في حدوث كل هذه المصائب،

ومنعتنا من محاسبة هؤلاء الجواسيس وغيرهم الذين يعيثون في مصر الفساد، ويعملون لحساب العدو الصهيوني، أم ان الحكومةعاجزة عن حفظ الحدود والحفاظ على الأمن القومي المصري.


وسبق أن رددت صحف ومواقع إسرائيلية في نهاية عام 2007 أنباء عن أنّ عدد المصريين في الدولة العبرية يصل إلى سبعة آلاف مصري.

شدني الخبر ده بالامس على التلفزيون عشان كده حبيت انقله...هنا
لاني مؤيدة وبشدة سقوط الجنسية المصرية من هؤلاء الافراد وخاصة المتزوجين من اسرائيليات كتابيات...تابعات للكيان الصهيوني المحتل المعادي للاسلام والعربي.

1/2 كلمة

salam alikom



سايبة التعليق حر للجميــــــــــــــــــع

Friday, March 21, 2008

ّ~الانتمـــــــاء لمصــــــــر~

salam alikom wa rahmat allah wa barakatooooooooo
بلوجتي المحبوة...:D بجد اعتذر عن البوستات الي مش بقيت انزلها محضرة حاجات كتير والله انزله بس مكتوب في ورق...فعايزة وقت عشان اعد اكتبه اساسا ان شاء الله قريبا في بوست جديد ويكون مختلف ان شاء الله :)

بس طبعا البوست ده هيكون مختلف ان شاء الله بكل بسااطة زي ما كلنا عارفين ان مصر بلدنا وغالبا ارتفعت الاصوات في الاتفاق على ان احنا بنحبها لكن حب من طرف واااحد وطبعا الي رايه غير كده فوق راسنا برده كلنا مصرين سواء اختلفت الديانة مسلم...مسيحي...الخ كلنا شعب واااحد وحقوقنا وااحدة في بطولة مصر لافريقيا...المنتخب المصري اظهر الشعب المصري حبه المكنون لبلده واد ايه هو بيعتز بيها...كلنا نسينا الامنا ونسينا سلبيااتها وشجعنا بصوت واحد مصرمصر مصر كلنا بننتمي اليها بس في نااس عندها راي تاااني

مشااركة حرة من قبل الزوااار... شاركنا رايك وقول رايك في مقولة الانتمااء لمصر
الانتمااء لمصر في سطرين :)

Wednesday, December 19, 2007

وجهــــــــــــــة نظــــــــــــر....تااابع حوار المواطن السااابق

salam alikom wa rahmat allah wa barakatoooooo

طبعااا لاعذر لي عن التأخير....
انا اسفة...
فاااصل ثم اواااصل عشاان خاطر الامتحانااات...
وكل سنة وانتوا طيوبيــــــــــن...

نكمل باااقي الحواار للمواطن المعااصر السااابق...
وزي ما هو وااضح من اجااباته...
البوست الي فاات مش كفى...نكمل هنااا... :d

*********
-فعلا لو في ايدك سلطة هتعمل بيها ايه؟؟؟
لو هاينفع اختارها فطبعا احب انها تبقي التعليم لان عشان يبقي فيه نهضة فالفكر هو البداية السليمة لده و التعليم هو المجال اللي منه يتم زرع و توجيه و انشاء فكر الامة
( اللي هو حاليا حدث و لا حرج)
*****
-حضرتك معترف بكون وجود جماعات ...او افراد ينتمون لحزب معين...؟؟؟ويااترى حضرتك شاايف انهي جمااعة
انسب للعصر الي احنا فيه؟؟؟ولو هتوجه رساالة معينة لاي جمااعة او الجماعات عاامة...هتبقى ايه؟؟؟
انا هنا لي رأي مختلف في القضية دي...انا شايف ان الوضع الحالي لا يحتمل -ولايحتاج- انفراد فكر معين بالسلطة و القيادة مهما كان الفكر ده او السلطة دي....محتاج تضافر من الجميع و مشاركة من الجميع مهما كانت اختلافاتهم الفكرية او العقائدية مادام الهدف واحد..,
*****
-لو اتعرض عليك عيشة هنية و ملائمة لآمال حضرتك..لكن خاارج بلدك مصر..هتقول ايه؟؟؟

احم...انا مش شايف ان فيه مانع او سبب للتردد يعني ...ببساطة عشان العيشة الهنية و الامال المستقبلية مش بقي موجود في مصر بصورة او بأخري...وارد ان حد يلاقيهم في مكان تاني و وراد برضه ان يرجع عشان يصلح و ساعتها هايبقي اقوي و اقدر علي الاصلاح ..,
*****
-عيد تااريخ مصر في بال حضرتك دلوقتي...خلاص...تحب ترجع لاي زمن ...وليه؟؟؟تحب تشاارك في اي عمل ساابق
قام به افراد من الشعب المصري؟؟؟
لا احب افضل في الزمن ده ( علي الرغم من انه الاسوأ علي الاطلاق ) بس حاجة جميلة انك تشاركي في تصليح شئ فاسد ...اه اكتوبر 73...,

Wednesday, September 12, 2007

مــــــــواطن معاااصر من الشارع المصري

salam alikom wa rahmat allah wa barakatoooo
بسم الله الرحمن الرحيم...
طبعا بعد الاعتذار عن التأخير...
نرجع ننقل اليكم قليل من ردود "مــــــــــــواطن معاصر...من الشارع المصري"
بسم الله الرحمن الرحيم

ربنا خلقك ليه؟؟؟
"و ما خلقت الانس و الجن الا ليعبدون"
بس العبادة اللي اعنيها هنا مفهوم شامل مش بس شعائر لا نظام حياة كامل موجه في الاتجاه ده..,لكن انا مؤمن اني ربنا خلقني عشان دور مهم او اضافة مهمة بصورة عامة و من غير تفاصيل يارب اقدر اعمل ده


تحب تشوف اسمك محفور على ايه...خشب او معدن....الخ..ولما هتشوف اسم حضرتك ياترى ممكن تسرح في ايه...من هو انا؟؟؟...حققت ايه؟؟؟...الي اين ينتمي هذا الاسم؟؟؟

سؤال مركب و مش واضح قوي.......بس هارد علي قدر ما فهمتاحب اشوف اسمي محفور في ورق جنبه كلام اضاف للناس حاجة ...., ساعتها هاسرح هل الاسم ده اضاف حاجة و لا لا؟؟ حقق حاجة و لا لا؟؟


ايه رايك في المدونات عامة..وياترى هي بتميل لايه..وسيلة ولا غااية ولو هتبقى غاية وسيلتها ايه...و لو وسيله غايتها ايه؟؟؟

وسيلة جميلة جدا للتعبير عن الذات و الرأي في مجتمع القهر فيه هو اكتر حاجة متوفرة .....مش بس قهر سياسي من حكومة طاغية بل ايضا قهر فكري من كتير ناقصي عقل مصرين علي فرض رؤاهم علي الباقي و رفض اي مختلف معاهم ..., فكانت المدونة وسيلة من وسائل التعبير عن الذات و الشخصية في حرية كاملة غير انها وسيلة للتبادل الثقافي و تبادل الرؤي و انك تطلعي علي خبرات الاخرين و ووجهة نظرهم ..,


ايه رايك في شباب اليومين دول؟؟
جيل طبيعي يبقي الضياع يعني كل حاجة ضده........كل مؤسسات توجيهه و تربيته فاشلة..,مدرسة......بيت........اعلام.............تعليم..........ثقافة.............مؤسسات دينية........فيه غياب قدوة.............غياب هدف.....غياب رؤية .........بس علي الرغم من كل ده......, فأن فيه نسبة بدأت تفوق و تحاول تتغلب علي كل المعوقات ديو انا واثق انها هاتعمل حاجة........, علي الاقل هاتبدأ التغيير

ديموقراطية لخصهالي في جملة..
هي مشاركة اي شعب في اختيار حكامه و مصيره و صنع القرار و محاسبتهم و تغييرهم

مصر في قلبك بنسبة اد ايه؟؟؟
قدر لا متناهي.........لكن حاسس اني باحبها من طرف واحد

ايه رايك في ...حرية الفكر..حرية ابداء الراي..حرية الفعل...حرية القول نفسه..واخيرا حرية المعااارضة؟؟؟
سؤال صعب قوي و مركب جدا........,
حرية الفكر: المفروض انها حاجة منطقية كل حد يري ما يشاء اذا كان الخالق ادي الحرية في عبادته و لم يجبر البشر عليها و كان توجيهه للرسول " لا اجبار في الدين"بس برضه بقت قيمة مفقودة زي ما وضحت فوق
حرية ابداء الرأي...........برضه منطقية بدون تجريح شخصي او تعرض بسوء للاديان او الرسل او الاداب العامة ...........غير ده مكفولة من وجهة نظري


التعليم هو البداية
الفكر هو الاساس.........
السبب الاساسي للي احنا فيه ه غياب المنهج....غياب االمرجع و البرنامج بسبب الضياع الفكري و ان المفكرين و الافكار في جزر معزولة ...او متفرغين للحرب علي بعض و مهاجمة بعض...,انا مش فاهم بصراحة الفرق بين حرية القول و حرية التعبير
حرية المعارضة............طبعا دي اسا اي مجتمع ديموقراطي ......ان يبقي فيه سجال حر و مفتوح و ماحدش يبقي محتكر القرار و المصير و كأن البلد تكية او ورث لنظام معين او تيار معين مهما كان..,


نكمل بااقي الحوار ان شاء الله
في المرة القاادمة
فااصل ثم نواااصل
مع نفس المواطن المعاااصر

Wednesday, July 18, 2007

اوبســـــــ....سوري

السلام عليكم ورحمة الله وبركاااته...
سوري او آسفة عن تأخرالحوار التااني
وان شاء الله هنشره قريب.. :)
معرفش قريب دي امتى بس اوعد اني هنشره لما اقدر...:(

Friday, June 29, 2007

حلـــــــوة يــا بلـــــديــ


السلام عليكم ورحمة الله وبركاته..
احب اضيف جزء من الغنوة"حلوة يا بلدي" دي قبل ما اضيف البوست الجديد
في حوار مع مواطن...

حلوة يا بلدي...


كلمة حلوة وكلمتين
حلوة يا بلدي
غنوة حلوة وغنوتين
حلوة يا بلدي
املي دايما كان يا بلدي اني ارجعلك يا بلدي
وافضل دايما جنبك على طول
وذكريات كل الي فات

فاكرة يا بلدي

قلبي مليان بحكايات
فاكرة يا بلدي
فين ايام زمان
كلمة حلوة وكلمتين


غنوة حلوة وغنوتين
حلوة يا بلدي
يا محلى كلمة بلدي في غنوة بين سطرين
كلمة حلوة وغنوت
ين
حلوة يا بلدي
غنوة حلوة وغنوتين

قمر يا بلدي

حلوة يا بلدي













Saturday, June 23, 2007

مواطنــــــــــــــــــــــــــ من الشارع المصري

السلام عليكم ورحمة الله وبركـــــــــــــاته...

اول لقاء صحفي مع"مواطنــــــــــــــــــــــــــــ" من الشارع المصري
مجموعة اسئلة...
اليكم التفاصيل..




احم احم..اهلا وسهلا..

ايه راي حضرتك في جماعة الاخوان...والاخ عبد المنعم..ورايك في سياستهم؟؟..

جماعتى المفضله...
إشمعنى الرجل ده بالذات....؟؟؟
لا أعرفه كويس ..بس أسمع أنه ناشط سياسى محترم بالجماعه
سياستهم ......أعتقد أنها الانسب فى الوقت الحالى


لو بايد حضرتك سلطة هتعمل ايه؟؟
هطبق الاسلام.....بالتدريج

حضرتك ايه هدفك من الحياة؟؟
نشر الدين....ومعانى الخير للناس التفوق العلمى والعملى فى الحياة


فكرت قبل كده حضرتك عايش ليه؟؟ وردك على نفسك كان ايه؟؟

أكيد.....مش فاكر رديت بايه


لو هتوجه رسالة لاي جماعة ...هتبقى ايه؟؟
ولو هتوجهها لنفسك هتبقى اه؟؟
رسالتى لنفسى,.....إتقى الله
وللجماعات ...واعتصموا بحبل الله




ايه رايك ف عمرو خالد؟؟...وايه ردك على الي اتقال عليه...لدرجة تكفيره؟؟

سيدى ومعلمى ....وأستاذى وتاج رأسى
لا أرد...ولا أعلق


ايه رسالتك في العالم؟؟
الخير......للعالم


ناوي على ايه ان شاء الله بعد 5 سنوات.؟؟
مش عارف....بس تقريبا هتجور ...لو أذن الله لى



ايه الي تحب انك تقابل ربنا و حضرتك فخور انك عملته في حياتك؟؟
هداية الناس ...ونشر الخير بينهم




وصيتك قبل مماتك..ياريت تقول ايجااز عنها؟؟

اوصى من بعدى بحمل الدين والزود عنه والتضحيه من أجله
وألا ينسانى بدعاء ولو مرة خالصا من قلبه
......



فرصـــــة سعيدة

Wednesday, June 20, 2007

حــــــوار مـعـ مواطنـ او مواطنـــة

السلام عليكم ورحمة الله وبركاته..

ان شاء الله دي اول مدونة ليا

وموضوعها ان شاء الله هيكون

حوار مع مواطن او مواطنة..

ومنتظرة اول شخصية اني اعرض رايها في مجموعة اسئلة

ويتن...

Sunday, June 17, 2007

«®°·.¸.•°·.¸.•°®»veticohaya®°·.¸.•°·.¸.•°®»

السلام عليكم ورحمة الله وبركااااته

اللهم صلّ على سيدنا محمد وعلى آل سيدنا محمد كما

صليت على سيدنا ابراهيم وعلى آل سيدنا ابراهيم

وبارك على سيدنا محمد وعلى آل سيدنا محمد كما

باركت على سيدنا ابراهيم وعلى آل سيدنا ابراهيم

احب اضيف مقولتي الخاصة بياا..

خير ...خير

(هو داالزمن وهي دي الحيـــــاة)

مش هقدر اغير فيهم هم الاتنين كله مربوط بارادة ربنا

اللهم لا اعترااض على ما كتبته لي ولا اعتراااض على ما كتب على جبيني من رزق ومن حيااة

ياااه مش عارفة بجد الاياام بتعدي بسرعة والوقت زي الحصاان وكأننا في ريس

مش عارفة الواااحد يعمل ايه ..بس والله بايدينا نغير كل الي مش عاجبنا بادينا نغير الغلط ونخليه صح مع رضاا بقضااء الله

نفسي بجد الدنيا تتغير ...النفوس تتغير...مبقااش ظاااهر الكويس...بس الكويس موجود ونفسي هو الي يبقى شاائع وظاااهر

ياربي الرحمة من عندك..


احب ادعي دعوة ويااارب يا ربنا تستجيبها يااارب يارب يارب اجمعني بمن احببت تحت ظلك يوم لا ظل الا ظلك يارب اشملنا جميعا برحمتك ياارب واجعل لنا جميعا دياارا في ريااضك يارب اجعلنا ممن يرون وجهك يارب اذق نفوسنا رحمة وحلاوة هي منك..


فاعفو عنا يا ارحم الرااحميـــــن يا الله